廣告

陳展鵬單文柔宣佈婚訊 邊pair娛樂圈情侶最有機係下一對?

噚日41歲陳展鵬突然宣佈同拍拖一年多嘅28歲單文柔拉埋天窗,仲分享佢哋喺歐洲拍攝嘅婚紗相,唔少網民都紛紛留言恭喜佢哋,仲大讚佢哋好登對。又一筍盤閃婚,大家又估下邊pair娛樂圈情侶會係一下個宣布婚訊?會唔會係下面其中一pair呢?

21歲男星5樓練高空跳躍 出意外墜地身亡
【有片】有歌聽 新海誠監督動畫 X スキマスイッチ出MV
張文慈覺得TVB同ATV最大的分別:「一廠真係好大,我成日蕩失路」

查看相片

噚日41歲陳展鵬突然宣佈同拍拖一年多嘅28歲單文柔拉埋天窗,仲分享佢哋喺歐洲拍攝嘅婚紗相,唔少網民都紛紛留言恭喜佢哋,仲大讚佢哋好登對。又一筍盤閃婚,大家又估下邊pair娛樂圈情侶會係一下個宣布婚訊?會唔會係下面其中一pair呢?

馬國明&黃心穎

查看相片

馬國明與黃心穎拍拖超過兩年,今年年頭二人一齊遊歐洲,馬明又出席黃家為心穎搞的生日飯,睇黎同未來外父外母相處得唔錯。另外,連早前一班《鐵馬尋橋》兄弟幫啱啱升呢做人夫嘅鄭嘉穎補祝生日,馬國明都有帶埋黃心穎出席,期間黃心穎已經被叫「阿嫂」,睇嚟佢哋都好事近啦!

蕭正楠&黃翠如

查看相片

佢哋因拍攝劇集《師奶MADAM》時撻着,自14年5月公開戀情後,一直非常恩愛。不時以情侶檔身份出席活動齊齊搵真銀,更經常喺網上公開打情罵俏,上年年尾蕭正楠更公開大讚黃翠如係「天下無雙」,令到翠如BB甜到入心。早前有傳佢哋已經係外地註冊結婚,不過二人都否認。其實翠如BB曾經講過話同蕭正楠傾過,仲話已經認定佢係終身伴侶,只係差少少勇氣,因為身邊人大多離婚收場,佢嗰陣時就話儲緊勇氣,當儲夠咗,佢就隨時嫁得。唔知而家翠如BB儲緊勇氣未呢?

楊明&莊思明

查看相片

楊明與莊思明因拍攝處境劇《愛.回家》後開始拍拖,拍拖至今兩年幾,佢哋人前人後都相當恩愛,不時喺社交網站放閃。早前接受訪問時楊明講過因為同莊思明拍拖後,令佢有動力想結婚、組織家庭,仲話佢哋都鍾意小朋友,好樂意做父母。已經認定莊思明嘅楊明近年備受無綫力捧,仲搞埋時裝生意及開燉湯店,努力搵錢儲老婆本。

曾國祥&王敏奕

查看相片

王敏奕(Venus)與曾志偉大仔曾國祥拍拖四年幾,人前人後都sweet到爆。不時被拍到行街買餸返屋企煮飯仔,Venus仲曾經喺公開場合以「老爺」稱呼曾志偉,可見佢哋感情穩定。

李佳芯&陳炳銓

查看相片

「宅男女神」李佳芯(Ali)和男友陳炳銓拍拖多年,雖然二人一直都不被看好,更被喻為美女與野獸組合。不過佢哋一於少理,近來仲愈愛愈高調,早前被爆二人一齊睇樓,唔知係唔係想為結婚做準備呢?

黃美棋&鍾健威

查看相片

童星出身嘅黃美棋喺16年公佈與有線主持鍾健威嘅戀情,佢哋拍拖四年感情穩定,兩個仲不時去旅行,喺網上貼相放閃,真係隔住個MON都感受到嗰種幸福。

陸浩明&陳詩欣

查看相片

陸浩明同模特兒女友陳詩欣(Ayan)已經拍拖6年向來Sweet爆,佢哋不時孖公仔去旅行,仲會喺社交網站放閃,大晒恩愛。喺上年陸浩明帶埋女友上無綫節目《1+1幸福》,正式向全港市民公佈女友身分,當時汪阿姐仲當眾催婚添呀!

洪卓立&湯怡

查看相片

��卓立同湯怡(Kathy)拍拖11年,二人經常喺社交媒體互相打情罵俏。不過面對傳媒就好少提感情事,愛得低調。

廣告

COMMENTS